Plantun de Prouvènço

Pèr coumpara dos planto d'encò nostre

Azolla filiculoides & Panicum barbipulvinatum

Azolla filiculoides

Salviniaceae

Nom en français : Azolla fausse filicule.

Descripcioun :
Aquesto pichoto planto que trachis de coumpagno emé li lentiho d'aigo, es un pichot féuse que nous vèn de l'Americo dóu miejour. Creis peréu sus li limas gourga d'aigo. Se recounèis à si foundo ramificado, dicoutoumico que dounon d'èr i fueio de tuia.

Usanço :
D'estùdi soun facho pèr vèire coume poudrié fissa l'azote d'aigo.

Port : Erbo
Taio : 1 à 5 cm
Fueio : Foundo
Tipe bioulougico : Idroufite
Cicle bioulougico : Planto renadivo

Gènre : Azolla
Famiho : Salviniaceae

Ordre : Salviniales

Coulour de la flour : Ges de flour
Petalo : ges
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 0 à 400 m
Aparado : Noun

Liò : Aigo
Estànci : Termoumediterran à Mesoumediterran
Couroulougi : Neoutroupicalo
Ref. sc. : Azolla filiculoides Lam., 1783

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.